مردن هونەرمن شیوەکار عراقی عاسم فەرمان
کۆمەڵەگە لە بەیاننامەگەی پرسەی هونەرمەنە کووچکردگەگە کەن، وتن " وە خوسەی فرەیگەو بازنەی هونەری و رووشنهویری چاو مردن هونەرمەن گەوەرەی شیوەکار ماموسا عاسم فەرمان کەێد، کە وە نیشانەی گرنگیگ دانریەێد لە مێژووی هونەر شیوەکاری سەردەمیانە.
هەمیش سەندیکای هونەرمەنەیل عراق لە بەیاننامەیگ راگەیان، شەوەکی ئمڕوو فەرمان کووچ دویایی کرد.
هونەرمەن شیوەکار عراقی عاسم فەرمان لە ساڵ 1956 لە پارێزگای دیوانیە لەداڵگبویە، خوەنستن ماستەر و دکتۆرا لە زانکۆی هونەرە جوانەگان بەغدا تەواوکردیە وچەندین ساڵ لەورا ماموسا بویە، هەمیش جویر ماموسایگ بەشداربویە لە کۆلێژ هونەرە جوانەگان حەدیدە لە یەمەن دویاییش بویەسە عەمید زانکۆگە، هەمیش جویر مامووسایگ بویە لە کۆلێژ ئاداب و هونەر لە زانکۆی عوممان ئەهلی لە ئۆردن.
هەمیش سەرپەرشتی و گفتوگوی شمارەیگ نامەی ماستەر و دکتۆرا کردیە لە زانکۆی بەغدا و زانکۆگانتر ناو عراق و زانکۆگان یەمەنی و میسڕی.
