دارەیل کلۆد مونێه
شەفەق نیوز/ هونەرمەن شیوەکار كلۆد مونێه ئوشێد: سرووشت واتەی مەزنی و هێز و نەمریە، یەک سرووشت هەمیشەیی نییە، سیمای سرووشت هەمیشە ئاڵشت بوود لەوەر ژینگەی دەورگردی.
ئاشکراس ک هونەرەیل کلۆد مونێه ک شەیدای سیمایل سرووشتی پڕ لە ڕەنگە، و ئەو نهێنیەیلە لە رەفتار شەپۆل شیوەکاری تایبەت خوەیە، و ئەو کاریگەری دڵتەنگە ک جاروبار هیلێدە جی، شایەت لەوەر زیان هونەرمەنەگە بوود ک لەوەر کەمدەسی و بیماری وەخوەی دی، ک هەمیشە تیژی رووشناییەگە نشان دەێد، ک رووشناییەگە لەبان رەنگە سرووشتیەیلە زاڵترەو بوون، تا ئی شیوەی رەفتارە لە شیوەکاری بویە سیمای تایبەتیگ ئەرا خود مونێه، ک لە تاوسان و پایز ساڵ ١٨٩١ زنجیرەیگ لە تابلۆیل دار چنار لەبان چەم ئیپیت دروس کرد، ک ئەو شوینە وە چەن کێلومەتریگ لە ماڵ و ستودیۆی مونێه دویر بوی، تا رەسێدە شوین شیوەکاریەگەی ک لە ناو بەلەمیگ لەبان ئاوەگە بوی.
