خیزانیگ هونەری لەناو کامپیگ ئاوارەیی
2021-04-24T14:14:30+00:00
شەفەق نیوز/ لەناو کامپ کەبەتوری لە شار دهۆک، دویای ئەوە ک لە کۆمەڵگەی سەیاب لە شێخ خدری سەروە قەزی شەنگال لەوەر پەلامارەیل داعش دەرچگن، وەختەیل سەختیان وە مۆسیقا ژەنین و گورانی چڕین گوزەران کەن.
داود قیرانی، لەتەمەن ٤٥ ساڵان، لە ساڵ ١٩٩٣ دەسکردە شعر نووسین، تا ٣ی ئاب ٢٠١٤ وەرجە پەلامار داعش، شعرەیلی لەبان دڵداری و دووسی بوی، وەلی لەو وەختەو بویە باس دڵتەنگی و رووژەیل سیا و ناخوەشی.
لەناو کامپەگە، بوینە خیزانیگ هونەری، و توێنستن وەگەرد کوڕ و دوێەتەیلی هووکارەی ژەنین مۆسیقا و چڕین گورانی بوون.
وەگەرد دوو دوێەت و کوڕیگی وەیەکەو گورانی چڕن، و وەیجوورد رووژەیلیان لەناو کامپەگە وەڕیەو بەن، وەهونەر و مۆسیقا گوزارش لە نەهامەتەیلیان کەن.
