دهۆک زەنگ مەترسی کوتێد: رەوش تەندروسیەگە خراوە وشوون ئه‌را تووشهاتیەگان نێریمن
شەفەق نیوز/ وەرپرس خۆجێیگ لە دهۆک لە هەرێم کوردستان، ئمڕوو سێشەممە، هووشداریدا لە روش تەندروسی خراویگ پارێزگاگە وەخوەی دوینێد دویای زیایبوین ژمارەی تووشهاتنەگان وەڤایڕۆس کۆڕۆنا.
سەرپەرشتیار خەسەخانە تایبەتەگان وە چارەسەری بیماری کۆرۆنا لە قسەیگ ئەرا ئاژانس شەفەق نیوز وت: ئی قۆناغ ئیسە ک دهۆک هاناوی فرە ناسکە وەگەرد ١٢ تووشهاتگ رەوشیان سەختە لە خەسەخانەگان دویای مردن یەک کەس ئمڕوو، ژمارەی مردگەیل پارێزگاگە لەوەر کۆرۆنا رەسیە ٥ کەس.
دكتۆر موئه‌ید ئاغالی وتیش: خەسەخانە تایبەتەگان وە کۆرۆنا دی بەش ژمارەی تووشهاتنەگان نێکەن، و ئیسە دوو هوتێل وخەسەخانەیگ ئەهلی وەکارهاوردیمن ئەرا تووشهاتگە ئاسانەگان.
سەرپەرشتیار خەسەخانەیل کۆڕۆنا لە دهۆک هووکار زیایبوین تووشهاتنەیل لە پارێزگاگە دانا وە نا پابەندی هاووڵاتیەگان وە رینما تەندروسیەگان وەتایبەت وەکارهاوردن دەمامەک لەناو شوینه‌یل قەڕەباڵغ، هەمیش کردنەوەی فڕۆکەخانەگان ومەرزە سنوریەگان.
