تەندروسی جهانی راگەینێد دهۆک کەمترین رێژەی مردنە وە کۆڕۆنا لەئاست هەرێم وعراق
شەفەق نیوز/ رێکخراو تەندروسی جهانی لە عراق، ئمڕوو یەکشەممە، راگەیان پارێزگای دهۆک کەمترین رێژەی مردن تۆمارکرد لە ئاست پارێزگاگان هەرێم کوردستان و گشت عراق.
دکتۆر ئەدهەم ئیسماعیل نوینەر رێکخراوەگە لە عراق، لە گۆنگرەیگ رۆژنامەوانی هاوبەشیگ وەگەرد دکتۆر نەزار عسمەت وەڕێوبەر تەندروسی دهۆک وت: رێکخراوەگە بڕیگ ئامێر وپێداویستی پزشکی رەسانە پارێزگاگە، و ئەوەسا ئمڕوو دەێمنەی دەس وەڕێوبەر تەندروسی دهۆک. وتیش: ژمارەی تووشهاتنەگان وە کۆڕۆنا لە دهۆک بەرزەوبوی، بەڵکم وەرێژەی گەورایگ نیە، ودووپاتکرد ک پارێزگاگە کەمترین رێژەی تووشهاتن لە ئاست هەرێم وعراق تۆمارکرد.
دکتۆر ئیسماعیل هەمیش وت: دویای سووکەوکردن ریکارەگان لەبان پارێزگاگە، پێویستیی زیاترەو بوی ئەرا پێداویستیە مقەیەتیەگان، وتیش؛ رێژەی مردنەگان لە دهۆک فرە کەمە، و ئاستەگەی رەسێدە ١% لە تووشهاتنەگان، ورێژەی مردنەگان لە ئاست عراق وەگشتی رەسێدە ٣%.
