زەۊیلەرزە دەێدە شارەیلیگ لە عراق

زەۊیلەرزە دەێدە شارەیلیگ لە عراق
2021-09-25T06:30:16+00:00

شەفەق نیوز/رەوانگەیل زەۊیلەرزەی عراق، شەفەق ئمڕوو شەممە، زەۊیلەرزەیگ لە چەن شاریگ لە هەرێم کوردستان و پارێزگای نەینەوا توومار کردن. 

وەگورەی راپوورتەیل رەوانگەیلە ک رەسینە ئاژانس شەفەق نیوز؛ زەۊیلەرزەیگ وە تونی ٤،٣ لەبان پەیمانەی دیختەر لەبان سنوور سوریا و عراق وە دۊیری ٨٠ کیلومەتر خوەرئاوای شەنگال و ٧٦ کیلومەتر باشوور خوەرئاوای دهۆک،  شەفەق ئمڕوو شەممە ٢٥ ئەیلوول ٢٠٢١ لە ساعەت ٢^٤٣:١٤ بۊی. 

راپوورتەیلە باس هەسکردن ئاشکرایگ وە تونی لەرزەگە کردن لە قەزای تەلەعفەر و شەنگال و پارێزگای دهۆک. 

هەرلیوا،  هۊیچ راپوورتیگ دەربارەی زەرەدیی لەو ناوچەیلە نەڕەسیە.             

Shafaq Live
Shafaq Live