دوو هونەرمەن کورد دوو خەڵات لە دوو ڤیستواڵ لە نەمسا کەفێدە دەسیان
شەفەق نیوز/ عومەر راوی ئەندام پەرلەمان ویلایەت ڤیێنا و ئەندام ئەنجومەن شارەوانیی، ئمڕوو سێشەممە، راگەیان دوو هونەرمەن عراقی کورد دوو خەڵات لە ڤیستواڵ هونەرەیل شیوەکاری، ڤیستواڵ فیلم نەمسا وەدەس هاوردن.
راوی پە پۆستیگ لەبان سۆشیال میدیا نویسان: شانازییگ ترە لە عراق، هونەرمەن شیوەکار سامی هاشم عەلی مەندی وە نازناو هونەرمەن ساڵەگە سەرکەفت، ئەوەیش لەناو سەدان لە هونەرمەنە گەنجەیل لە ڤیستواڵ شیوەکار Paralel-Vienna جویر یەکەمین هونەرمەن شیوەکار کووچبەر لە نەمسا ک لە ڤیێنا پەیا بویە.
وتیش: ئی گەنجەیلە شایستەی ناوهاوردیانن لەلای ئەو کووچبەرەیل نووە تا ئەرا تیکڵابوین و زڕنگی گاڵیان بیەێد.
راوی وتیش: سامی ناو هونەریی سامیرە ناکازاکییە، ک ناو ئەو شار یابانیە هەڵگردیە ک بویە قوربانی دویاترین بومب ئەتۆمی، وتیش: واتە کورد عراق لەی رووژەیلە بەهرەدارن لە چین کەلتوری لە ڤیێنا خودا بیلێدەیان، شانازی وەپیدان کەیمن، و بنمایەی گشتی بوین.
هەمیش باس کورد ڤین ئەیوب خانمە دەرهێنەر نەمساوی لە داڵگبوی دهۆک کرد، ک ئەویش خەڵات فیلم نەمسا لە ڤیستواڵ سینەمای نەمسا لە ڤیێنا وەدەس هاورد، دویای ئەوە ک خەڵات فیلم لە پەرلین و کراتس وەدەس هاورد.
ئەو خانم دەرهێنەرە لە خانەوادەی کورد عراقە، باوگی دکتۆر عومەر ئیوب پزشکە و داڵگییش پزشکە.
