مردن ئەکتەر ئەمریکی ماثیۆ بیری ئەسارەی زنجیرەی برادەرەیل
2023-10-30T07:12:53+00:00
شەفەق نیوز/ رووژنامەی لۆس ئەنجلس تایمز، و سایت تی.ئەم.زەت، کە خەوەر کەسەیل ناودیار بڵاو کەێد، وتن: ئەکتەر ماثیۆ بیری کە وە رۆڵی لە زنجیرەی تەلەڤیزیۆنی کۆمیدیای برادەرەیل ئەمریکی کە لە ساڵەیل نەوەتەیل ناوبانگ بوی، لە تەمەن ٥٤ ساڵە، لەناو حەوز سناوکردن گەرم لە ماڵیگ لەناوچەی لۆس ئانجلەس وەمردگی پەیا کریا.
رووژنامەگە و سایتەگە، لە زوانی سەرچەوەیلیگ کە ناویان ئاشکرا نەکردن، ئەو خەوەرە بڵاو کردن، کە رۆیتەرز نەتوەنست بڕەسێدە بندروسی.
تووڕ ئێن.بی.سی لە زوانی ئەکتەریگ کە ناوی ئاشکرا نەکرد، و سەرچەوەیگ لە جیوەجیکردن یاسا وت: بیری وەمردگی پەیا کریا، و دیارە لەناو ماڵەگەی لە گەڕەک بالاسیدس لە لۆس ئانجلەس لەناو ئاو تاسیایە.
بیری وە کەسایەتی چاندلر لینک لە زنجیرەی برادەرەیل ناودیار بوی، کە لە ساڵەیل ١٩٩٣ و ٢٠٠٤ وە دە وەرز نمایش کریا.
