یەکەمین دیارکەفتن شاکیرا دویای جیاوەبوینی لە یارەگەی
2022-06-08T12:32:05+00:00
شەفەق نیوز/ شاکیرا، گورانیچڕ کۆلومپی ناودیار، ئەرا ژیان سروشتی خوەی گلەوخوارد، ک یەکەم دیارکەفتنی لەبان هەژمارەیل کۆمەڵایەتیی توومار کرد، دویای ئاشکراکردن جیاوەبوینی لە جیرارد بیکێە هەسارەی تووپان ئیسپانی.
هەفتەی گوزەشتە، شاكيرا جیاوەبوینی لە باوگ دوو مناڵەگەی، جیرارد بیکێە دویای ١١ ساڵ لە پەیوەندی راگەیان.
شاکیرا، لەتەمەن ٤٥ ساڵان، پارچە ڤیدیۆییگ لەبان هەژمار فەرمیی لە ئینیستاگرام بڵاو کرد، ک وەگەرد هەسارەیل لە بەرنامەی نوو "Dancing With Myself" سەما کەێد.
لەو ڤیدیۆ، شاکیرا خوەی دویر خست لە هەر چشتیگ لەباوەت جیاوەبوینی.
ئەو پارچە، زیاتر لە یەک و نیم مەلیۆن تەماشاکەر وەماوەی کەمتر لە ٢٤ سەعات وەدەس هاورد، وەگەرد هەزاران کۆمێنت.
