بیکێە شاکیرا رەسنێدە خەسەخانە دویای بڵاوبوین خەوەر خیانەتکاریی

شەفەق نیوز/ راپۆرتەیلیگ رووژنامەوانی باس ئەوە کردن ک شاکیرا کەفتە وەر بیزارییگ دروینی دویای بڵاوبوین خەوەر خیانەتکردن یارەگەی جیرارد بیکێە، کاپتن تیم پەرشەلۆنە.  

شاکیرا خانمە گورانیچڕ کۆلومپی، ویارەگەی بازیگەر پەرشەلۆنە جیرارد بیکێە، بوینە قسەی بان سۆشیال میدیا لە ماوەی ساعەتەیل گوزەشتە، دویای ئەوە ک بڕیگ لە راپۆرتەیل ئیسپانی، باس قەیرانیگ لە دووسی ناوبەینیان کردن.            

کۆڤار "Hola" وت: هاوسایل شاکیرا وبیکێە ماشینیگ فریاکەفتن لە نزیک ماڵیان دینە، ک خانمە گورانیچڕ ئەرا پزشکیگ لەناو شار پەرشەلۆنە بریا، وبیکێە وەگەردی بویە.  

لە دویای جام جەهانی ٢٠١٠ لە باشوور ئەفریقا،  ک شاکیرا گورانی فەرمی پاڵەوانیەگە پێشکەش کرد، ئەو پەیوەندییە ناوبەینیان دروس بوی، ولە ماوەی ١٢ ساڵ بڕیار هاوسەرگیری نەیانە، ودوو مناڵیش وەناو میلان وساشا دیرن.