گلەوخواردن کارەیلیگ هونەری وە لایەن نازیەیلە دزیایە
شەفەق نیوز/ گشت ئەو کارەیل هونەرییەیلە نازیەیلە لەماوەی جەنگ جەهانی دۊیەم تاڵانیان کردنە، رووژانە و ساڵانە گلەو دریەێد ئەرا خاوەنەیل خوەیان.
لە ماوەی جەنگ جهانی دۊیەم، نازیەیلە هەڵمەتیگ گەپ تاڵانکردن کارەیل هونەری و شتومەکەیلتر لە وڵاتە ئەوروپییەیلە دەسوەپیکردن، ک لە مێژوو وە “تاڵانیی نازی” ناسریاگە، ئی هەڵمەتە وە تایبەت دژ وە پۆڵەندی و جووەیلە لە هۆلۆکۆست بەرپاکریایە.
نووترین کار هونەریی گلەودریایە ئەرا خاوەنەگەی لەی هەڵمەت جەهانییە، تابلۆیگ بۊ وە ناو “گوڵەیلە”، ک لەی مانگە وەلایەن مۆزەخانەی شاهانەی هونەرە جوانەیلە بەلجیكا گلەودریا ئەرا مناڵەیل ژن و پیاویگ جوو، ک دۊای وایینیان لە ئەڵمانیا لە جەنگ جەهانی دۊیەم، نازیەیلە لە ماڵەگەیان دزینەسەی.
وەگورەی ڕاپۆرت ڕێکخریاگ و دامەزراوە تایبەتەیل وە لێکۆڵینەوە لە کارە هونەرییە تاڵانکریاگەیل، تاڵانکاریی نازییەیل ئەرا هونەر پۆڵەندی، نزیکەی 20 میار دۆلار زەرەد وە ئەو نەتەوە رەسانیە، چۊنكە شمارەی کارە هونەرییە تاڵانکریاگەیل رەسێدە نزیکەی 43% جەم میرات کەلتووریی پۆڵەندا.
