پۆڵەندا توانای وەرگردن پەنابەرەیل ئۆکرانیای نەمەنییە
شەفەق نیوز/ رێكخریاگ مافەیل مرۆڤ سەروە نەتەوە یەكگرتگەیل راگەیان، پۆڵندا توانای وەرگردن پەنابەر ئۆكرانیا نەمەنییە و داوای هاوكاری و پاڵپشتی لە وڵاتەیل ئەوروپا و ئەمریكا کەن، ئۊشێد،”تا ئیسە دو ملیۆن پەنابەر رۊ لەو وڵاتە كردنە”.
رێکخریاگ مافەیل مرۆڤ سەروە نەتەوە یەكگرتگەیل ئمڕوو جومعە 18ی ئازار 2022 بڵاوکرد، شمارەی پەنابەرەیل ئۆكرانیا وەبان سنورەیل پۆڵندا تا تێد زیاتر بن و لە ئیسە زیاتر لە دو ملیۆن پەنابەر ئۆكرانیا چوونە ناو خاك پۆڵەندا.
دیاریکرد، پەلامار ئمڕوو شەوەکی فڕۆكەخانەی لڤیڤ شمارەی پەنابەرەیل ئۆكرانیا وەبان سنورەیل و سنور وڵات پۆڵندا وەتایبەت زیاتر کەێد و لەماوەی گوزەشتە لەوەر ئەو پاڵەبەسیە ک پەنابەرەیل ئۆكرانیا خستنە بان وڵات پۆڵندا، تا تیەێد شەپۆل پەنابەرەیل ئاستەنگ زیاتر ئەرا وەرپرسەیل پۆڵندا دروس کەێد.
یەیش لە وەختیگ ماوەی گوزەشتە نەتەوە یەكگرتگەیل هوشداری لە نەمان توانای وەرگردن پەنابەرەیل ئۆكرانی وەلایەن رۆمانیا و پۆڵندا راگەیان، ئەگەر وڵاتەیلتر ئەوروپا و ئەمریكا وەدەم پەنابەرەیل نەچن ئەوا دۆخەگە لەژیر کۆنترۆڵ نیەمینێد.
