رفیان فڕۆکەیگ ئۆکرانی لە ئەفغانستان و روی وەرەو ئیران کەێد

رفیان فڕۆکەیگ ئۆکرانی لە ئەفغانستان و روی وەرەو ئیران کەێد
2021-08-24T08:53:02+00:00

شەفەق نیوز/ وەزارت دەرەوەی ئۆکارانیا، ئمڕوو سێشەممە، ئاشکرای رفیان فڕۆکەیگ ئۆکرانی کرد ک لە ئەفغانستان بوی تا هاوووڵاتییەیل ئۆکرانی لە بوێدەو، ک نەناسریایلیگ رفاننی و وەپی روی وەرەو ئیران کردن.

يەفگینی یەنین جیگر فڕۆکەیگ ئۆکرانی بایەت بوی ئۆکرانیایلە لە ئەفغانستان بوەێدەو، لە هەفتەی گوزەیشتە لەلایەن کەسەیلیگ نەناسریاگ رفیا.

یەنین ئەرا رادیۆی «هەرومادسکی» دیاری کرد ک کەسەیلیگ نەناسریاگ، رووژ یەکشەممەی گوزەیشتە دەسنانە بان فڕۆکەگەمان، و ئمڕوو سێشەممە، فڕۆکەیگمان روی وەرەو ئیران کرد، و چەن کەسیگ نەناسریاگ لەجیای ئۆکرانیەیلە لەناوی بوین

جیگر وەزیر دەرەوەی ئۆکرانیا وتیش؛ سێەم تەقەلامان ئەرا گلەوداین هاووڵاتییەیلمانیش شکست هاورد، چوینکە کەسەیلمان وەپیان نەکریا بڕەسنە فڕۆکەخانەگە.

وتیش؛ کابینەی دیبلۆماسی وەگشتی، وە سەرپەرشتیارەی وەزیر دەرەوە دمیتری حولبیا، لە ماوەی هەفتەی گوزەیشتە کار ئارا چارەسەرکەردن گیچەڵ فڕۆکەگە کەن.

 

Shafaq Live
Shafaq Live