ئەزموون.. خەڵات خاسترین فیلم ناودەوڵەتی وەدەس هاورد

شەفەق نیوز/ فیلم سینەمایی (ئەزموون)، ک لە دەرهێنان سینەماکار کورد (شەوکەت ئەمین کورکی)یە، لە 37مین خول فێستیڤاڵ ناودەوڵەتی فیلم (سانتا باڕباڕا) لە وڵات ئەمریکا، خەڵات خاسترین فیلم ناودەوڵەتی وەدەس هاورد.  

فیلم سینەمایی (ئەزموون- The Exam) چوارەمین فیلم درۊژ سینەماکار کورد شەوکەت ئەمین کورکی، لە بەرهەمهاوردن (مەمەد ئەکتاش) و بەرهەم هاوبەش هەرێمی کوردستان و وڵاتەیل ئەڵمانیا و قەتەرە؛ لە نووترین بەشداریی ناودەوڵەتیی، لە دوو سانس جیاواز، لە بەش پێشبڕکێی ناودەوڵەتی 37مین خول فێستیڤاڵ نێودەوڵەتی فیلم سانتا باڕباڕا- Santa Barbara  لە وڵات ئەمریکا نمایش کریا و لەلایەن بنووڕەیل و رخنەگرەیل سینەمایی و ئەندامەیل دەسەی دادوەرانەوە، وەگەرمی پێشوازی لەلی کریا.

ئی فیلم کوردیە، تۊنست خەڵات خاسترین فیلم ناودەوڵەتی ئێ رۊداو کۆن وگرینگەی سینەمای ئەمەریکا، وە ناونیشان جێفڕی سی. بارباکۆ- Jeffrey C. Barbakow  وەدەس بارێد.