ئەرا پاڵپشتیکردن بەرهەم ناوخۆیی.. فیستیڤاڵ پاییز لە پێنجوێن
شەفەق نیوز/ چلاکیەیل فیستیڤاڵ پاییز ئەرا پاڵپشتیکردن بەرهەم ناوخۆیی لە قەزای پێنجوێن لە سلێمانی لە هەرێم کوردستان، ئەرا دۊیەم رووژ پشتەڵپشت وەردەوامە، ئەوەیش وە بەشداریکردن ٦٠ کشاورز.
محمد رەئوف یەکیگە لە کشاوەرزە بەشدارەیلە لە فیستیڤاڵەگە، ئەرا ئاژانس شەفەق نیوز وت: وازکردن یەکەم فیستیڤاڵ پاییز لە قەزای پێنجوێن، ئە ئامادەبۊن بڕێ لە وەرپرسەیل حکومەتی لە قەزاگە وەڕیەو چگ، و تا دوو رووژ وەردەوامی دیرێد.
فیستیڤاڵ پاییز، یەکەم فیستیڤاڵە ئەرا وەرچەوخستن بەرهەمەیل ناوخۆیی پاییز لە کاڵەک و ئەنۊر و هەنجیر و تەماتە و بەرهەمەیلیگ تر وە بەشداریکردن ٦٠ کشاورز.
لەلای خوەییش، سەردار ئەحمەد، کشاورزیگ ترە لە فیستیڤاڵەگە، وت: فیستیڤاڵەگە خوازێد پاڵپشتی بەرهەم ناوخۆیی لە وەرز پاییز بکەێد، ک تەماتە لەناوی فرەوە بوود، و کشاوەرزەگە تۊنێد پارێزگایل ناوڕاس و باشوور عراق لەلی پڕ بکەێد.
ئەحمەد لە قسەیلی ئەرا ئاژانس شەفەق نیوز وت: تەماتەی ئیرانی ک لە مەرزەیل عراق هاوردەی کریەێد، کاریگەری خراویگ لەبان تەماتەی خوەمانی دیرێد.
