وێنە.. کشاورزەیل عمادیە برنج کوردی کاڵن
شەفەق نیوز/ کشاورز و جفتیارەیل، لە ناوچەیل قەزای عمادیە لە پارێزگای دهۆک، دەسکردنە کاڵین برنج خوەمانی، ک ئاو فرەیگ ئەرا ئاویاری مەرەزەیل هەس.
کشاوڕز ئیبراهیم سڵیمان لە خەڵک ناوچەیل ناحیەی دێرلوکە ئەرا ئاژانس شەفەق نیوز ئوێشێد: کشاورزەیل ناوچەگە دەسکردنە کاڵین برنج خوەمانی لەی ماوە ک وە برنج کوردی ناسریاگە، ک دەسکیریەێدە جفتکردن زەویەگە و خستن و ئاویاری مەرەزەیل، و ئیجا دەسکیریەێدە پاکەوکردن مەرەزەیل تا لە مانگ تەشرین دوویەم درەوی بکریەێد.
مەەجید عەلی کشاورزیگ ترە ئەرا ئاژانس شەفەق نیوز دەربارەی دیارترین چینەیل برنج کوردی قسە کەێد، ئویشێد: خاسترین چەینەیلی خوەی رێت دریژ و رێت کوڵ و کەسنەدیتی وچینەیلیگ تر، ونشان دا کەبرنج کوردی وە نرخەیل خاسیگ لەبازاڕ فرووشیەێد، و نرخ یەک کێلوگڕام لەلی رەسێدە شەش هەزار دینار وەگورەی چینەگەی.
نەمان دەرفەتەیل کار لە کەرتەیل گشتی وتایبەت، هیشت هەزاران لە کشاورزەیل و جفتیارەیل روی وەرەو جفتیاری بکەن، وەتایبەت لە خەڵک ئاوایەیل و ناوچەیل پەڕ شارەیل.
کشاورزەیل داوا لە حکومەت کەن بازاڕەیلیگ ئەرا فرووشتن بەرهەمە کشتوکاڵیەیل لەناو و دەیشت هەرێم واز بکەن.
