دویاکووچ هونەرمەن ناودیاریگ لە هەولێر
2021-08-17T08:15:59+00:00
شەفەق نیوز/ وەزارەت رووشنهویری و گەنجەیل لە هەرێم کوردستان، ئمڕوو سێشەممە، پرسەی هونەرمەن ناسریاگ لە چین دراما و شانۆ، سەلام کویەیی کرد، ک لە تەمەن 66 ساڵان دویاکووچ خوەی کرد.
دوێەشەو کویەیی کەفتە وەر جەڵتەی مەغزی و رەوش تەندروسیی خراو بوی، و شەوەکی ئمڕوو لە شار هەولێر پایتەخت هەرێم کوردستان گیانی لەدەسدا.
جی باسە ک کویەیی لە ساڵ ١٩٥٥ لە داڵگبویە، و ئەرا زیاتر لە چل ساڵ کار ئەکتەری لە شانۆ و دراما کرد، ولە گشت ژیان هونەریی خزمەت وە هونەر کوردی کرد.
رەحمەتی خاوەن چەن کاریگ هونەری وەناوبانگە ک هیمان لە هویرمان خەڵک هەرێم کوردستان جیگرن.
