خانمە هونەرمەنیگ تورک وەگولە خوەی کوشێد

ئەو ئەکتەرە، کە لەناو چەن زنجیرە و فیلم تورکی دەرکەفت، جەماوەری فرەیگ دیرێد، لە شوین نیشتەجیبوینس لەناوچەی دالامان لە ویلایەت موغلا، وە دەزانچەی باوگی کە مووڵەت فەرمی وەپی دیرێد، گولە تەقانە سەر خوەی.

وەرگەرد تەقەی گولەگە، کە لە بالکۆن قات دویەم لەناو بینایگ لە جادەی غازی بدالامان، خەڵکەگە پەیوەندی وە شمارەی فریاکەفتن ١١٢ کردن.

وەکوتپر، تیمەیل تەندروسی و پولیس تورکیا رەسینە شوین رویداوەگە.

 مەوقەی رەسینیان، ئاشکرا بوی کە میرڤی کیالب خوەی کوشتیە.

میرڤی لە بەش ئەکتەری لە زانکۆی ئیسبرتە سلیمان دیمیریل دەرچگە، و دویای کارکردن لە شانۆگەری ئیستەنبوڵ حکوک تی تا ساڵ و نیمیگ، کەفتە کار ئەکتەری.

میرڤی بەشداری لەی زنجیرەیل تەلەفزیۆنیە کردیە: "Sakarya Fırat"، و"Little Doomsday"، و"Dreams and Hopes"، و"Elif"، و"Şeref Meselesi" و"Savaşçı".