گووش بیە دەنگ مەلویچکەیل
شەفەق نیوز/ ئەنجام چەن تۆێژینەوەیگ زانستی رەسیە ئەوە ک وەسەربردن وەختیگ لە باوەش سروشت، کاریگەری خاسیگ لەبان تەندروسی ئایەم دیرێد، باوجی تۆێژینەوەی نوویگ ئاشکرا کەێد ک دەنگ جیکەی مەلویچکەیل نیگەرانی و هویرەیل بەد سووکەو کەێد.
تیمیگ لە پەیمانگای "ماكس بلاند" ئەرا ئەوزەڵکردن مرۆیی و بنکەی پزشکی زانکۆی "هامبۆرگ ئیبندۆرف" تۆێژینەوەیگ لەباوەت دەنگ بەرز ری ناو جادەیل، ودەنگ جیکەی مەلویچکەیل لەبان دەروین و هویرکردن ئایەم کردن.
تیمەگە تاقیکردنیگ هەڕەمەکی لەبان ئەنتەرنێت وەگەرد ٢٩٥ کەس کرد، و ئەنجامەیل ئی تاقیە لە گۆڤار زانستی Scientific Reports بڵاو کریا و سایت ئەلیکترۆنی پزشکی ئەڵمانی Heilpraxis بڵاوی کرد.
بەشدارەیل تا ماوەی شەش خولەک گووش لە دەنگەیل جیاجیا لە جویلەی ماشینەیل و مەردمەیل جادە و دەنگ جیکەی مەلویچکەیل گردن، و وەرجەیە لیستیگ وە تەندروسی مەغزیان پڕەو کردن.
خوەنەوار دکتۆرا ئیمیل شتوبە یەکەمین سەرپەرشتیار تاقیگە لە گرووپ "لێز ماینەر" ئەرا زانست دەماراوی ژینگەیی لە پەیمانگای "ماکس بلانک" وت" هەر کەسیگ مەیل خوەی دیرێد، ئەرا نموونە ئەو کەسەیلە ک تەندروسییان خاسە هەمیش هویر نیگەرانی دیرن و جاروباریش رخەیلیگ بیماری دیرن.
وتیش: ئەنجام ئەو تەقینەوە نشانمان دا چوین دڵتەنگی وخەموکی و نیگەرانی وبارانۆیا لەلای ئەو کەسەیلە دیاری بکەیمن ک بەشداری کردنە، و کاریگەری دەنگ مەلویچکەیل یا قەرەباڵغ جادە لەبانیان دیاری بوی.
