وێنە.. دەسکردن وە چالاکیەیل رووژ سینەمای کوردی لە سلێمانی

شەفەق نیوز/ چالاکیەیل ئاهەنگ رووژ سینەمای کوردی لە خول دۊیەمی،  ئمڕوو چوارشەممە،  لە شار سلێمانی پایتەخت رووشنهۊری هەرێم کوردستان دەس وەپی کرد،  و هەڤاڵ ئەبوبەکر پارێزگار سلێمانی و بڕ گەورەیگ لە هونەرمەن و رووشنهۊرەیل ئامادەی بۊین.  

نیاز نوری سەرۆک یەکێتی هونەرمەنەیل کوڕ ئەرا ئاژانس شەفەق نیوز وت: لە ئاهەنگەگە دیان کتاو و گۆڤار و سێ پۆستەر تایبەت وە دەرهێنەر کوردی یەڵماز کونای بەشەو کریا. 

نیاز وتیش؛ گرنگیدان وە فیلمەیل سینەمایی مقیەتیکردنە لەبان کەلتوور و رووشنهۊری و پیشە کوردیەیلە، و هەمیش دیکۆمێنتاریە ئەرا ئەو ستەمەیل لەشۊن یەکە ک کورد کەفتیەسە وەریان، و هەمیش باسکردن ئەو رووداوەیلە ئەرا جیهان، تا وە باوەت گەل کورد بزانێد.