ژن و شوییگ لە هندستان مناڵ خوەیان ئەرا سەنین "ئايفۆن 14 " فرووشن
2023-08-06T09:39:43+00:00
شەفەق نیوز/ پیاییگ وەناو "جايدف" و ژنەگەی "ساسي گوش" خەڵک ویلایەت بەنگال خوەرئاوا لە هندستان، مناڵ کوورپەیان لە تەمەن ٨ مانگان فرووشتن تا مۆبایل "ئایفۆن 14" بسینن.
وەگورەی میدیایل راگەیانن ناوخوەیی، پولیس ویلایەتەگە توەنست داڵگەگە بگرن، و شویەگە لە دەسیان دەرچگ، و تا ئیسە مینەی کەن.
هاوسایل ئەو ژن و شویە لە ناوچەی "بارگاناس" گومان کەفتە دڵیان کە وەیکجاو دەسکردنە گەردین لە شارەیل وڵاتەگە، و کەشخە وە مۆبایل نوویگ کەن، و وتنە مناڵیان گوما بویە، و پاپەی ئەوە نەوینە.
داڵگەگە لەلای پولیس ئاشکرا کرد ک خوەیان دڵیان قرچیە مۆبایل نوویگ لە ئەپڵ بسینن، و بچنە ناو ئینیستاگرام و چشت بڵاو بکەن، تا بەشکی پویلیگ لەوە بکەفێدە دەسیان.
"ساسي" وتیش شویەگەی وەرجەیە تەگبیر داشتیە دویەت ٧ ساڵانیان بفرووشێد تا قەرزەیلی بەێدەو.
