گرفت گەپیگ لە ئایفۆن ۱۳ ئاشکەرا بۊی
شەفەق نیوز/ ماڵپەڕ تایبەت وە ئامێرە ئەلکترۆنییەیلە گرفت گەپیگ لە مۆبایل ئایفۆن ١٣ ئاشکەرا کردیە، ک بەشیگ لە وەکارهاورەیل ئی جۊرە لە ئایفۆن دیاریکردنە شاشەی مۆبایلەگانیان بنەوشەییەو بوود و هۊچ بەرنامەیگ لەناوی دیار نێمینێد.
ماڵپەڕ "gsmarena" تایبەت وە مۆبایلە زیرەکەیلە راگەیان، لە تووڕ کۆمەڵایەتی ریدیت بڕیگ لە وەکارهاورەیل ئایفۆن ١٣ باس لە گرفتیگ کردنە لە مۆبایلەگانیان ک تەنیا گرفتەگە پەیوەندیی وە ئەو جۊرە مۆبایلەوە دیرێد و لە جۆرەیلتر نییە.
یەکیگ لە وەکارهاورەیل ئەو ئامێرە ئاشکەرایکردیە، مەوقەی سیستمی "جی پی ئێس" کاروەپیکردیە، جۊر خوەی کار نەکردیە و وە تەواوی زانیارییەیلە نەیا، لە دۊای ئەوەیش ڕەنگ شاشەگە ئاڵشت بۊیە ئەرا بنەوشەیی.
ماڵپەڕ ریدیت دیاریکرد، بڕیگ لە وەکارهاورەیل ئایفۆن ١٣ تەقەلا دانە مۆبایلەیلیان لە ری کۆمپانیای ئەپڵ ئاڵشت بکەن، باوجی وەسنگ ئەوە ک ئامێرەگە هۊچ گرفتیگ نیرێد کۆمپانیاگە مۆبایلەیلە ئاڵشت نەکردیە.
