چەن زانیارییگ دزەوەپیکریاگ لە باوەت ئایفۆن 16
2024-05-04T08:34:37+00:00
شەفەق نیوز/ کۆمپانیای ئەپل بڕیارە لە ئەیلوول ئایندە مۆبایل نووەگەی "ئایفۆن 16" نمایش بکرێد، و چەن زانیاریگ لە باوەت ئامێر نووەگەی ئەپل دزەکردنە.
سۆنی دیکسۆن، کە وە دزەوەپیکەر وەردەوام زانیاریەیل ئەپل ناسریاگە، لە بان تووڕ کۆمەڵایەتی ئێکس، وێنەیگ ئایفۆن 16 بڵاوکردیە و ئوشێد، قەبارەی شاشەی ئایفۆن 16ی ئاسایی 6.1 ئینجە، هەمیش ئایفۆن 16ی پڕۆ 6.3 ئینجە، مۆدێڵ ئایفۆن 16ی پڵەس شاشەگەی 6.7 ئینجە، باوجی ئایفۆن 16ی پڕۆماکس شاشە گەپترەک دیرێد و 6.9 ئینج بوود.
وەپای وینیەی سۆنی دیکسۆن، کامێرا جیاوازیگ ئەرا ئایفۆن 16 ئاسایی و ئایفۆن 16ی پڵەس دانریاگە و چەن تایبەتمەندی نوویگ هاناوی.
