ژنیگ لە مەغریب ٩ مناڵ زاێد.. و گشتیان گورجن
2021-05-05T08:19:55+00:00
شەفەق نیوز/ ژنیگ لە خەڵک وڵات مالی، لە وڵات مەغریب، ٩ مناڵ زاێد، و حکومەتەگە وت: هەر نۆ کوورپەگە خاسن.
حکومەت مالی لە ٣٠ ئادار (حەلیمە سیسی ٢٥ ساڵان) هاوردە مەغریب وەخاتر ئەوەگ پزشکی خاسیگ وەربگرێد، ک مەزەنە کریا ٧ کۆرپەڵە ها زگی.
قسەکەر وەناو وەزارت تەندروسی مەغریب وت: ئاگا نەیرێد ک لە یەکیگ لە خەسەخانەیل مەغریب ژنیگ مناڵەیل فرەیگ زایە، باوجی وەزارت تەندروسی مالی وت: سیسی پەنج دوێەت و چوار کوڕ هاوردگە.
فانتا سیبی خانمە وەزیر تەندروسی مالی وت: داڵگ و کوورپەیل تا ئیسە گورجن، وتیش؛ بڕیارە لە ماوەی چەن هەفتەیگ وەرەو میلکان گلەو بخوەن.
