کابرایگ ئەمریکی دویەت خوەی کوشێد چوینکە لە دەنگ گیریانی بیزارە
شەفەق نیوز/ پولیس ئەمریکا پیاییگ بی دڵ دەسگیر کرد، کە دویەت دوو مانگان خوەی تا مردن تاسانیە، هەناێ دەسماڵیگ تەڕ تەپانیەسە ناو قوڕگی، یەچەس دەنگ گیرستنی بیزاری کەێد.
جۆزیف نابیر لەتەمەن ٣٠ ساڵان، دەسگیر کریا، دویای پەیاکردن دویەتەگەی، ئیریس نوێل نابیر، وەبیهووش کەفتیە، لەناو ماڵەگەی لە ویلایەت فلۆریدا.
خود باوگەگە ئاگادار پولیس کردیە کە دویەتەگەی بیهووش بویە، و پزشکەیل مەوقەی رەسینیان لەو شوینە تەقەلای خاسەوکردنی دانە، وەلێ ئەو کوورپە کەوەو بویە، و بردنەسەی ئەرا خەسەخانە و لەورا مردنی توومار کریا.
نابیر ئەرا پولیس وتیە: نیزانێد چشتیگ چەرمگ لەناو دەمی بویە، و خنکیایە، ئیجا وت؛ وەگەرد ئەو دویەتەگەی هیشتیەسەی کە تەمەنی ١٨ مانگە، تا ماوەی ١٠ خولەک، و گلەیی خستە بان دویەتە گەورەگەی.
پولیس ئاشکرای ئەوە کرد کە ئەگەر لەو وەختە زانستیە دویەتەگەی ناسیایە، ئەڕا چە تا ماوەی دیریگ چەوەڕی کردیە تا ئیجا تەلەفۆن وە شمارەی ٩١١ بکەێد، کە دیارە ئەو وەختە هویرەو وە ئامادەکردن دەسپیچگ ئەرا خوەی کردیە.
پولیس وتیش؛ ئەو دەسماڵە ناسە ناو دەم مناڵەگە نا بیدەنگی بکەێد، کە لەناو قوڕگ کوورپەگە پەیا کریا.
وەگورەی رووژنامەی (میترۆ) دەسەڵاتەیل وتنە: نابیر تەنیا کەسیگ بویە لەو مەوقە لە ماڵەگە، کە توەنێد دەسماڵیگ بنەێدە ناو قوڕگ کوورپەگە، و هەمیش ئەرایان دەرکەفت کە تا ماوەی نیم ساعەت مناڵەیلی وەتەنیا هیشتیە.
وتیش؛ باوگەگە گلەیی خەێدە بان ئەو دویەتەگەی، و یەیش هەر وەپی نیەکریەێد، کە تەنیا باوگەگە توەنێد ئەو دەسماڵە بتەپنێدە قوڕگ ئەو مناڵە تا تاسیا.
