ژنەیلیگ لە جەهان ژیوەژیر مۆسیقای "ميتاڵ" لە ئیران

شەفەق نیوز/ شایەت مەزەنە نەکریەێد ک ئیران شۊنیگە ئەرا مۆسیقای "ميتاڵ"، وە تایبەت ک گورانی خوەرئاوایی لە وەخت شۆرش ئیسلامی ١٩٧٩ قەیەغە کریاگە.    

هەرچەن رخ زیندانکردن و سزا هەس، باوجی ئی چینە لە ژیروەژیری هالە گەشەکردن.    

بەشیگ لە گەورەترین ناوەیل مۆسیقای میتاڵ لە ئیران لە خانمەیلە، و فیلم کوڵیگ وە ناونیشان “ تەماشاکردنمان لە مەوقەی قیژە لە تەهران قەیەغەس” رووشانیی خەێدە بان ئەو رخە لەبان ئەو خانمەیلە.    

لە کوڵە فیلمەگە،  باس کریەێد ک مۆسیقای میتاڵ خوەێ لە چینەیل تون و تۆڕەس لە مۆسیقا، و لە خوەد وەختەگە مەردم ئیرانیش هەس وە توڕەیی گەورەیگ کەن و قیژەی بەرزیگ خوازن، ئەراوە پەنا وە مۆسیقای میتاڵ بەن، وەتایبەت ئەرا ژنەیلە، و یەکیگ لە خانمەیلە ئۊشێد: فرە سەختە ک ژنیگ بۊی لەناو ئیران.