کابرایگ ئیرانی لەخوەشی قورتاربۊنی لەمردن... مرد
شەفەق نیوز/ پیاویگ ئیرانی تاوانبار وەکوشتن کریاگە، لە خوەشیەو گیانی لەدەسدا، ئەوەیش دۊای ئەوەگ کەسوکارەیل قوربانیەگە ک خوەی کوشتیەسەی واز لە داوای وەسێدارەدانی هاوردن، وەگورەی رووژنامەی "هەمشەهري" لەلاین حکومەت ئیران.
رووژنامەگە وت: پیاویگ وەناو "ئەکبەر" خەڵک شار بەندەر عەباس، تاوان کوشتنیگ وەرجە ١٨ ساڵ جیوەجی کردگە، و ئی ساڵەیلە لەرخ پەت سێدارە بردیەسە سەر. وتیش: ئەکبەر تەمەن ٥٥ ساڵان، هەنای ژنەفت ک باوان قوربانیەگە وەخشینەی، لەخوەشیەو تۊش جەڵتە هات، و دۊای یەک ساعەت لە خەسەخانە گیانی لەدەسدا.
رووژنامەگە وتیش: ئەکبەر ئی هەمکە ساڵەیلە لەرخ جیوەجیکردن وەسێدارەدانی لەوەر کردەوەی کوشتنیگ گوزەران کرد، ک هەنای ئەو کوشتنە جیوەجی کرد تەمەنی ٣٧ ساڵان بۊ، و دۊای تەقەلای وەرپرسەیلیگ لە ئەنجومەن یەکلاکردنەوەی گرفتەیلە، تۊنستن رازی باوان قوربانیەگە بکەن ک ئەکبەر بوەخشن.
