ژنیگ ئیرانی دەێد لە پیاویگ ئاینی وپا نەێدە بان عمامەگەی
2021-12-28T06:43:04+00:00
شەفەق نیوز/ سایتەیل تووڕە کۆمەلایەتیەیلە لە ئیران کەفتنەسە باوەت رووداوەگەی مابەێن پیاوەیل ئایینی و ژنیگ وە مدووی ناڕەزایی لەبان شیوەی پووشین حیجابەگەی.
رووداوەگە ک لە ڤیدیۆگە دەرچگە لە شار قم رۊ دایە وە شۊین حەوزەیل ئایینی ئیران دانریەێد.
ڤیدیۆگە وەی جۊرە دەس وەپی کەێد، پیاو ئاینیەگە وە گوچانەگەی دەێد لە بان سەر ژنیگ و دۊیای ناڕەزایی لەبان شیواز پووشین دڵنگەیلی، ژنەگەیش وە زۊێ دەس لە ئاخونەگە وەشێند و عمامەگەی خەێدە زەۊی و پا نەێدە بانی.
;
