ماڵ هەفت میلیون و سیسەد هزار یورووی، هن کێیە؟
شەفەق نیوز- ئی دەوران ئیمە، ئەێت ژیان پڕ لە نوورە و تەبەقاتییە.
هەرچەن ک فرە کەسەێل بێ‌ماڵ مانە هەمجا دبینیمن ک ماڵەێلێ وە خوێن‌نەهەق دفرووشرێ و دسینرێ.
لیوونر مسی، تووپان‌واز نامدار دنیا، ئی‌جارە و خڕین ئاپارتمانێگ بییە وە سەرباس رووژنامەێلە و ماڵپەڕەێلە.
دە ئی سایتەێڵە هاتگە ک ئەوی دە لێوار ئاو مەیامەێ شووقەیێگ وە هەفت ملیوون و سێسەدهزار یوروو سەنگە.
ئی شووقە ک موبڵەسە، چوار ژوور ئەڕا خاو، چوار ماڵاوجی دە هەر کام لە خاوەێلە ئوو ڤییووێگ وەرەو دەریا لە چوارپاڵەو دیرێ ک بێ‌وێنەسە.
کاپیتانە ئارژانتینییەێ بارسڵوونا، خوەییش وتگە دوماێ تووپان و ماڵنشین بیین هادەێ لە ئسپانیا بچووگە رێیەو.
دە وب سایتەگەێ زەمین‌فرووشی (The Real Deal) هاتگە ک واحدەێلەێ ئی ساختمانە، نوای ۳۶۰ دەرەجه، ۵۱۱ متر مورەبەع ناوماڵە ئوو ۱۹۵ متر مورەبەع وەرئەیوان دیرن.
شێرکەتێ ک ئی ئاپارتمانە سەنگە Celromalina LLC نامێیە و پەیوەندی وەرد بنەماڵەێ مسی دیرێ.
ئی ویلا، دە نام خوەێ شەش گوڵەمئاو، یەک گلە گەڕیساو گەرم، یەک گلە باشگا ئەڕا بەژنسازی، ئستودیووێگ ئەڕا یووگا، ماڵگەێ وازیێ ئەڕا زاڕووەێلە ئوو وەرتاوەو ئاشئاوخانەیێگ وەرد ئاشەوانێگ سەروەخوەێ دیرێ.
