میسی ماڵیگ لە میلانۆ سینێد

شەفەق نیوز/ راپۆرتیگ بریتانی، دویەکە سێشەممە، دووپاتکرد ک لیۆنیل میسی، هەسارەی پەڕشەلۆنەی ئیسپانی، ماڵیگ لە شار میلانۆ سەن.

ژمارەیگ لە راپۆرتە ئیتالی وئیسپانیەگان لەی دویاییە، باس گواستنەوەی میسی کردن ئەرا ئەنتیرمیلان.

وەگورەی تووڕ ''سپۆرت میدیاست'' ئیتالی، میسی ماڵیگ لە نزیک بارەگای یانەی ئینتەر سەن، لە شار میلانۆ.

وئاماژەدا ک ئەیە لە دویای چەن هەفتەیگ لە ئەوە ک باوگی لە خود ناوچەگە ماڵیگ سەن، تا پاڵپشتی خەوەر گواستنەوەگە بکەێد.

جی باسە ک راپۆرتەیلیگ رۆژنامەوانی وەرجەیە وتن گوایە لەوەر کەم بوین باج لەو ناوچە باوگی لەورا ماڵەگە سەن.

لە کۆتایی تاوسان ساڵ ئایندە، گریەبەسەگەی میسی وەگەرد پەڕشەلۆنە تەواوبوود، وهیمان نەڕەسینەسە رێککەفتنیگ ئەرا نووەوکردن.