ئیلۆن مەسک جۊر دیارترین کەسایەتی ساڵ ٢٠٢١ دیاریکریا
شەفەق نیوز/ گۆڤار تایم ئەمریکی "ئیلۆن مەسک" سەرۆک کۆمپانیای تێسلا ئەرا ماشین کارەبایی و سبەیس ئێکس ئاسمانی و لە هەمان وەخت دەوڵەمەنترین پیاو لە جەهان، جۊر کەسایەتی ساڵ ٢٠٢١ دیاریکرد.
ئێدوارد فیلسنتاڵ سەرنوسەر گۆڤارەگە راگەیان، کەسایەتی ساڵ بایەت فرەیگ لە داهێنانەیلی جیوەجی کردۊێد و کاریگەریی بیاشتاد، هۊیچ کەسیگ وا نەۊیە ئەرا ئەو نازناوە لە مانوان کەسایەتییەیل ئیلۆن مەسک دیارترین بۊیە.
ئاشکەرایکرد، مەسک تەنیا دەوڵەمەندترین پیاو لە جەهان نەۊیە، بەڵکم کەسایەتییەگ دیار لە ناو کۆمەڵگە و چواردەور خوەی داشتییە.
ئەو گۆڤارە لە مانگ کانوون یەکەم گشت ساڵیگ دیارترین کەسایەتی ئەو ساڵە ئەڵوەژێد، ک کاریگەریی وەبان ناوچەگە و جەهان داشتییە، لە ساڵ ١٩٢٧ گۆڤارەگە دەسدایە وەێ کارە، کەسەگە چ پیاو بوود یان ژن یان کۆمەڵە کەسەێلیگ بوون، لە بنەمای کاریگەریی جۊلەگانی لەبان تاک و کۆمەڵگە یاخود بیرۆکەیلی وە درۊژی ساڵ کاریگەریی بیاشتوود.
لە ساڵ ٢٠٢٠ گۆڤارەگە جۆبایدن سەرۆک ئەڵوەژیای و جیگیرەگەی کامالا هاریس جۊر دو کەسایەتی ئەو ساڵە دیاریکرد.
