رووداویگ ئەرا ماشین «تسیلا»ی خوەیڕان کۆمپانیاگە خەێدە وەر رەخنە
شەفەق نیوز/ کۆمپانیای «تسیلا»ی ئەمریکی ئەرا دروسکردن ماشینەیل کارەبایی، کەفێدە وەر رەخنەیل سەختیگ، ئەوەیش دویای رووداویگ هاتووچو دڵتەزنیگ ئەرا یەکیگ لە ماشینە خوەیڕانەیلی، ک بویە هووکار کوشتن دوو کەس لەناوی.
وەرپرسەیل وتن: ئەو ماشین (تسیلا) ک نرخەگەی رەسێدە ٨٠ هەزار دۆلار، فرە وتونی رانیاد، تا لە دوڕیان بەسیاییگ لەڕیەگە دەرچگ و داگە دار گەپیگ و ئاگر چگە لی.
ماشینەگە لە مودێل ٢٠١٩ بوی و وەگشتی کارەبایی و خوەیڕانی بوی.
ئەفسەریگ لە پۆلیس خۆجێی وت: ئەرامان دەرکەفت ک هیچ کام لە سوارەیل ماشینەگە لە مەوقەی رووداوەگە لەبان کۆشین رانندەگە نەنیشتوێد.
هەردوگ سوارەیل ماشینەگە ماشینەگە خستوێنە بان سیستم خوەیڕانستن، ئەو سیستەمە ک کەفتە وەر رەخنەیل فرەیگ.
وەرانەوەر ئەو رەخنەیلە، ئاخری ملیاردێر ئیلون ماسک دروسکەر کۆمپانیاگە، لە بیدەنگی خوەی دەرچگ، و لەبان تویتەر نووسان: گشت ماشینە کارەباییەکان ک وە سیستەم خوەیڕانستن کار کەن، ئەگەر کەفتنیان وەوەر رووادوەیل ١٠ جار کەمترە لەو ماشینەیل ترە.
