لە تەشرین یەکەم ئمساڵ چەن دیاردیگ گەردونی روی دەێد
2023-10-02T12:27:34+00:00
شەفەق نیوز/ وەپای راپۆرتیگ واشنتۆن پۆست، ئاسمان لە مانگ تەشرین یەکەم چەن جاریگ دیاردەی گەردونی وە خوەی دوینێد.
گرینگترین دیاردەیل فەلەکی ئی مانگە بریتیە لە:
خوەرگیریان "ئەڵقەی ئاگر" لە ١٤ تشرین یەکەم مانگ لە نوای خوەر رەدبوود و بەشیگ گەپ لەلی گرێد، باوجی ئەڵقەیک درخشان لە تیشک خوەر وەجیهیلێد، یەیش وە خوەرگیریان "بازنەیی" یا "ئەڵقەی ئاگر" ناسیاگە.
هەمیش لە هەفتەی یەکەم مانگ تەشرین یەکەم مانگ وە ئاسارەی درخشانەیل زمسان رەدبوود و لە ئاسمان درەخشیەد.
لە ٢٨ تشرین یەکەم مانگ لە ئاسمان پڕ بوود کە وە "مانگ راوچی" ناسیاگە، چوینکە رووشنایی فرەیگ دیرێد.
لە مانگ تشرین یەکەم زوحەل لە ئاسمان باشوور خوەرهەڵات ئەمریکا دەرکەفێد وە جویریگ وە ئاسانی دوینیەێد.
هەسارەی موشتەری هویردە هویردە لە ئاسمان دەرکەفێد و لە ناوڕاس مانگ زاڵ بوود وەبان ئاسمان خوەرهەڵات ئەمریکا.
