شەفەق نیوز/ تەلەسکۆپ چووڵایی ئاسمانی گایا کە تایبەتە ئەرا نەخشەکیشان ری کەیکیشان، دوو بڕە ئەسارەی سەرەتایی لە دڵ گەلەئەسارەگەمان دەسنیشان کردگە کە سەرچەوەی دروسبوین زیاتر لە ١٢ ملیار ساڵ وەرجە ئیسەس، وەگورەی لێکۆڵینەوەیگ لەی دواییە. وە جویلەی گەردین ڕێکوپێکیان، ئی دوو "تەکان ئەسارەیی"یە، کە هەریەکەیان بارستەی یەکسانە وە 10 ملیۆن خوەر، جویر "یەکەم خشت بیناسازی" ئەرا ناووک کویەن ری کەیکیشانە، کە یەکەم ئەسارەیل وەرجە ئەوەگ گەلەئەسارەگە گەشە بکەێد و بوودە ئی شیوەی قەمچدار خڕە، لە پەیمانگای ماکس پلانک ئەرا فیزیای ئەسارەیی لە ئەڵمانیا ئەرا ئاژانس فرانس پرێس.

نویسەر سەرەکی توێژینەوەگە کە ئەنجامەیلی لە گۆڤار Astrophysical Journal بڵاو کریاسر ئاشکرا کرد کە "یە یەکەمجارە کە توەنستیمنە بەشەیل ئی  گەلەئەسارەی سەرەتاییە دەسنیشان بکەیمن"، کە ناو شاکتی و شیڤای لەلی نریا، وە ناو دوو گەلەئەسارە خوداوەندە هیندۆسەیل، “کە یەکگردنیان بویە مدوو دروسبوین گەردوون.”

ئامێر وەشکین گایا سەر وە ئاژانس بۆشایی ئاسمانی ئەوروپا کە ماوەی ١٠ ساڵە وە دویری یەک ملیۆن و ٥٠٠ هەزار کیلۆمەتر لە زەویەو کار کەێد، لە ساڵ ٢٠٢٢ نەخشەی سێ ڕەهەندی شوین و جویلەی زیاتر لە یەک ملیار و ٨٠٠ ملیۆن ئەسارە رەسانیە.