زانایەیل هووکار نوویگ ئەرا نقوم بۊین کەشتی تایتانیک پەیاکەن
شەفەق نیوز/ زانایەیل رەسینەسە دەرئەنجام نوویگ لەباوەت هووکار روودان کارەسات نقومبۊین کەشتی تایتانیک.
ئی رووداوە وەرجە سەد ساڵ وە گەپترین رووداو دەریایی لە مێژوو نوو دانریەێد و وتنە ریزبەندی نایابیگ مابەێن خوەر و مانگ تەواویگ و زەۊی لەوانەگ هووکار جۊلەی یەخەگە بوود ک وەر کەشتییەگە کەفتیە و بۊیە مدووی نقومبۊینی.
وە قسەی زانایەیل ھەرچەن تایتانیک لە شەویگ بی مانگ نقووم بۊیە، باوجی شایەت ئەو پارچە یەخە وەرجە سێ مانگ لە رووداوەگە و لەوەر مانگیگ تەواو دروس بۊیە. لەی مژارە دۆناڵد ئۆڵسۆنی توێژەر وتیە: لە گوزەشتە هووکار جووڵەی فرەیگ لەو تاشەیەخەیلە لە وەهار ١٩١٢ نەزانیا، باوجی شایەت یە دیاردەی مانگ ئاگراویی روویدابوود مەوقەی روو دەێد ک مانگ رەسێدە نزیکترین خاڵ لە زەۊی.
لە ماوەی مانگ تەواو، مانگ و زەۊی و خوەر وە یەک رز راس ئاراستە گرن و هەریەک لە مانگ و خوەڕ توانای کیشاننیان ئەرا زەۊی زیاد بوود و یەیش ئەڵچگن و داچۊین دەریایلە وەهێزتر بوود.
جی باسە ئەو رووداوە بۊیە مدووی مردن 1500 کەس.
