ئەرا یەکەمجار ماسییگ پەیاکریا لەبان دەس ری کەێد
2021-12-28T07:57:38+00:00
شەفەق نیوز/ ئەرا یەکەمجار دۊیای ٢٢ ساڵ ماسییگ لە کناراوەیل دوورگەی تاسمانیا پەیاکریایە لەژیر دەریا ژییەێد و لەبان دەسەیلی ریکەێد.
وەگورەی هەواڵیگ لە ماڵپەر "بی بی سی"، دۊیاجار ک ئی ماسییە ڕەنگ پەمبەیە دۊنریایە لەبان دەسەیلی ریکەێد، لە ساڵ ١٩٩٩ بۊیە.
ئی ماسییە وە ئەو تایبەتمەنیە ناسریاگە ک دو دەس دیرێد لە نوای جەستەی و جۊلندەیان وە جۊریگ ک لەوە چوود لەبانیان ری بکەێد.
وەگورەی زانایەیل ئوستراڵیا، ئێ ماسییە لە ژیر دەریا پەیاکریایە، وێنەگەی لە باخچە دەریاییگ گیریایە.
ئی ماسییە یەکیگە لەو جۊرە دەگمەنەیلە و رخ لەناوچینی دیرێد.
