رووژێ وه نام رووژ جه‌هانی عه‌داو
شه‌فه‌ق نیوز- نۆزده‌ی نوامبر، رووژ جه‌هانی عه‌داوه.
مسراو یا ده‌سئاو، ئێقه‌ره ده ژیان و بێهداشت شارستانیه‌تی گرینگه ک رووژێ وه‌ێ نامه نامگیر کریاگه.
وه‌وچوونه ک سازمان ملله‌ل وتگه ئێسه بان یه‌ک ملیارد که‌س ده دنیا وه ده‌سئاو ده‌سڕه‌سی نه‌دیرن و گوو وڵاتی دکه‌ن ک یه خوه‌ێ ده‌رئه‌نجامێ واگیرداری بیمارییه‌یله.
ده ئی گوزارێشته هاتگه ک دو ملیارد و چوارسه‌د ملیوونیش توالت خاس نه‌دیرن ک بایه‌د گیچه‌ڵ پاشاو و گووئاوه‌یله‌یش وه ئی دووزه‌ی بێهداشتی زایاێیه‌و بکه‌یمن.
بان‌کی‌موون، ره‌ییس سازمان ملله‌ل وتگه ک له هه‌ر سێ ژن یه‌کێ له‌ێیان وه توالتێگ ئه‌مناک ده‌سڕه‌سی نه‌دیرێ ئوو قه‌یرێ له‌ێیان وه خاتر فێر کردن ده‌سئاوێ ئه‌مناک تووش شه‌ڕ شه‌ڕانچییه‌یله‌یش دیان.
سازمان ملله‌ل وتگه وه‌داخه‌وه هه‌ر چه‌ن ئاو پاک و شرین، وه به‌ش گشت ئایمه‌یله، ده دنیا هه‌سه باوجی وه خاتر نابه‌رامبه‌ری و نه‌بیین عداڵه‌ت، فره که‌سه‌یل دفێشتر زاڕووه‌یل بێ‌خاون و هیرده‌ڕووه‌یلێ ک هن بنه‌ماڵه‌یل که‌مده‌س و بێ‌ده‌سن، تووش بێ‌ئاوی و که‌م‌ئاوی دیان و ده‌سێیان وه ئاو پاک نه‌دڕه‌سێ.
