دویەتیگ لە بەنگلادیش لەدارسانەیل پڕ لە پەڵنگ رەد کەێد تا بڕەسێدە دووسەگەی

 دویەتیگ لە بەنگلادیش لەدارسانەیل پڕ لە پەڵنگ رەد کەێد تا بڕەسێدە دووسەگەی
2022-06-11T11:54:07+00:00

شەفەق نیوز/  دویەتیگ لە تەمەن ٢٢ ساڵان، لە بەنگلادیش بان گردەوەر، ودارسانەیل سوندربانز رەد کرد، ویەک ساعەت مەلەوانی کرد، و رەسێدە هیندستان،  تا شۊ بکەێدە دووسەگەی.

رووژنامەی "ئیندیا تودەی" وت: دویەتێگ وەناو کریشنا ماندال، لە بەنگلادیش، لەناو فەیسبووک چەوی کەفتە دووسەگەی ئەبهیل ماندال، ودڵی چیە لی، وچوینکە پاسپۆرت نەیرێد، بڕیار دا وەناو دارسانەیل سندربان، وەشیوەیگ نایاسایی لە سنوورەگە رەد بکەێد، ئیجا تا ماوەی یەک ساعەت مەلەوانی کرد، ک پاپەی ئەو سەختیەیلە نەوی.      

راپۆرتیگ لە سەرچەوەیل پۆلیس باس ئەوە کرد ک کریشنا، یەکەم جار رەسیە ناو دارسانەیل سوندربانز، ک پڕە لە پەڵنگ بەنگالی، ئیجا تا ماوەی یەک ساعەت مەلەوانی کرد، تا بڕەسێدە شوینەگە.   

وەرجە سێ رووژ، کریشنا لە پەرستگای کولکاتا شۊ کردە ئەبهیل، باوجی دەسگیر کریا، چوینکە وەشیوەیگ نایاسایی هاتیەسە ناو وڵاتەگە.  

Shafaq Live
Shafaq Live