دویای توومەتکردنی وە پیسکردن قورئان.. مەردمیگ لە بەنگلادیش پیاویگ کوشن وتەرمەگەی سزنن
2020-10-30T09:21:29+00:00
شەفەق نیوز/ پۆلیس بەنگلادیش وت: رووژ پەنجشەممە، سەدان کەس پیاویگ کوشتن ک توومەتباری وە پیسکردن قوڕئان کردن، و دانەلی تا مردن ئیجا تەرمەگەی سزانن.
ودیاریکرد ک زیاتر لە هەزار کەس چگنە ناو ناوەندیگ سەروە شارەوانی، ک پیاوەکە وەگەرد کەسیگ تر لەورا و ئامانج مقەیەتی کردنیان گیرهاوردوین، و هەردوگیان کیشان، دویای توومتکردنیان وە پانیان لەبان قورئانیگ لە مزگەفتە سەرەکیەگە لە شارەگە لەنزیک سنوور هیند.
عوبەیدە سوڵتانە فەرماندەی پۆلیس ناوچەگە وت: ئەو کەسەیلە ک هاتنە ناو بیناگە، دان لە پیاوەگە تا مردن، ئیجا تەرمەگەی سزانن، و ئەو کەسەگە ک زەخمداربوی توێنست بواێد، و پۆلیس تەقەلای ئارامکردن مەردمەگە دا، بەڵکم نەتوێەست نوایان بگرید لە بردن ئەو پیاوە ک لەتەمەن ٣٥ ساڵان بوی و ناوەندەگە سزانن، و تەرم پیاوەگە لە ناو جادەگە سزانن.
