دامەزرانن ئەنجومەن بازرگانی ناوەین کوردستان و بەنگلادیش
2023-06-15T11:28:16+00:00
شەفەق نیوز/ حکومەت هەرێم کوردستان وەگەرد حکومەت بەنگلادیش رێک کەفتن لەبان دامەزریان ئەنجومەنیگ بازرگانی لەناوبەین هەردوگ لایەنەگە لە پارێزگای هەولێر، وەگورەی راگەیانن وەرپرسیگ کورد، ئمڕوو پەنجشەممە.
ئەحمەد جەلال سەرۆک ئەنجومەن هەرێم کوردستان عراق - بەنگلادیش لە وتاریگ رووژنامەوانی وت: تەگبیرە لە هەفتەی ئایندە شاندیگ لە هەرێم کوردستان سەردان بەنگلادیش بکەێد، هەمیش لە رووژ ٢٣ لە مانگ ئاب شاند گەورەیگ لە بەنگلادیش و ئەرا یەکەمین جارە سەردان بەغداد و هەولێر کەێد.
وەگورەی سەرۆک ئەنجومەن، شاندەگە ٢٢ کۆمپانیای بەنگلادیشی گەورە هاناوی.
جەلال وتیش؛ شاندیگ لە باڵیۆزخانەی بەنگلادیش لە عراق لەی دویاییە سەردان فەرمانگەی پەیوەندیەیل دەیشتەکی لە هەرێم کوردستان کرد، و داوای دامەزریان ئەنجومەنیگ بازرگانی کرد، و ئی ئەنجومەنە قایمکردن کار ئابووری و بەرزەوکردن بڕ گواستنەوەی بازرگانی ناوەین هەرێم کوردستان و بەنگلادیش کەێدە ئامانج.
