درۊژترین ماشین ک مەلەوانگە و بازیگەی گۆلف هاناوی

شەفەق نیوز/ درۊژترین ماشین لە  جەهان خریادە پێگەی گینس و درۊژیەگەی 30 مەترە، مەلەوانگەی بۊچگیگ و گۆڕەپان گۆڵف هاناوی و شۊن تایوەت وە نیشتن کۆپتەریش دیرێد.

پێگەی گینس ئەرا ڕیکۆردە جەهانیەیل راگەیان، درۊژترین ماشین جەهانی وە ناو “خەون ئەمریکی” توومارکردیە، دۊای نووکردن و ئامادەکردنی دۊای چەندین ساڵ تەواو بۊ. 

وەگورەی  ماڵپەڕ گینس، مێژوو دروسکردن ماشینەگە چوودەو ئەرا ساڵ 1986  “هەنای ماشینەگە ئەرا یەکەمین جار وەلایەن دیزاینەر وەناوبانگ جەی ئۆربێرگ نەخشەسازی ئەرای کریایە، درۊژیەگەی 18.28 مەتر بۊیە و 26 پاچگ لەژیری بۊیە، و دو بزوێنەر V8ی لە دۊا و نوای داشتیە، دۊاجار درۊژی ماشینەگە کریایە وە 30.5 مەتر و لێوا وەپیکردیە لە هەردگ لا خڕ بخوەێد. 

گینس ئۊشێد، “ماشین خەون ئەمریکی، جیگەی خەفتن و مەلەوانگەیش هاناوی، یە لەپاڵ یاریگای گۆڵف و شۊن نیشتن کۆپتەر. و چەندین تەلەڤیزیۆن و وەفرگر و تەلەفۆن هاناوی و تۊنێد 75 نەفەر بگرێدەخوەی”. 

گینس لە کەناڵ یوتیوب فەرمیی خوەی، ڤیدیۆیگ بڵاو کردیە ک تایبەتمەنیەیل درۊژترین ماشین جەهان دەرخێد، وەگەرد ڕێزلێنان خاوەنەگەی، دۊای ئەوەگ ڕیکۆرد نوو  گینس شکانیە.