کوشیان چوار گەنج وەرووداویگ لەبان ری مووسڵ – دهۆک (وێنە)

کوشیان چوار گەنج وەرووداویگ لەبان ری مووسڵ – دهۆک (وێنە)
2021-05-22T07:18:58+00:00

شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە کوشیان چوار کەس وە رووداو هاتووچو دڵتەزنیگ لەبان ری مووسڵ – دهۆک.

سەرچەوەگە ئەرا ئاژانس شەفەق نیوز وت: چوار گەنج لە مەوقەی گلەوخواردنیان لە سەیرانگەیل دهۆک لەبان ئەو ریە مردن.

وەگورەی سەرچەوەگە، رووداوەگە لەوەر تونیگ شیتانە لە رانستن ماشینەگە بویە، تا داگە پایەی کەهرەبایگ لەبان ریەگە، و دوو گەنج وەکوتپڕ  مردن، و دوان زنی بوین ولێ لەوەر ئەو زەخمەیل سەختیانە، ئەوانیش گیانیان لەدەس دان.

هەرلیوا، ماشینەگە لە دویای رووداوەگە وەکوتپڕ ئاگر چگە لی، و کەسیگ توانای کپەوکردنی نەیاشت تا ماشینەگە هویردەو بوی.

Shafaq Live
Shafaq Live