خانمیگ ئەمریکی لە بنچینەی فلیپینی بوودە شاجوان گەردوون.. وینە
2023-01-15T09:59:26+00:00
شەفەق نیوز/ ئار بونی گابریێل، ئەو خانم دیزانەر و نمایشکار پڕتاڵە لە ویلایەت تەکساس ئەمریکا، بویە خاوەن نازناو شاجوان گەردوون.
71مین چاپ ئاهەنگ هەڵوژاردن شاجوان گەردوون، دویەشەو شەممە، لە نیو ئۆرلینز ئەمریکا وەڕیەو چگ.
لە مەوقەی ئاشکراکردن ناو خاوەن نازناوەگە، گابریێل چەوەیلی بەساد، و دەسی ناناو دەس هاوڵەگەی ئەمانەدا دودامل ک شاجوان ڤەنزوێلاس، ئیجا وە زەردە خەنەیگ پیشوازی لە خەوەرەگە کرد.
وەگەرد دەنگ بەرز مۆسیقا، گابریێل چەپکە گوڵیگ گردە دەس، و بەتیەی سەرکەفتن پووشێد، و تاج نازناوەگە کردە سەر.
خانمە شاجوان کۆمار دومینیکان، ئەدرینا مارتینێز جویر هاوەڵ دویەم ئەرا گابریێل پەسەن کریا.
وەرپرسەیل ئاهەنگەگە وتن: گابریێل یەکەمین خانم ئەمریکیە لە بنچینەی فلیپینی بوودە خاوەن نازناو شاجوان ئەمریکا.
