کابرایگ هندی وەو فڕۆکەی دەسکرد خوەی ئەوروپا گەردێد
شەفەق نیوز/ هەرچەن پەتای کۆڕۆنا و کەرەنتین گشتی شەکەت دروین فرەیگ کەس کرد، باوجی کەسەیلیگ سوود لەلی گردن.
پیاویگ لە ویلایەت کیرالای هندی، وەناو ئەشوک ئەلیشیر سامارکشان، توەنست فڕۆکەیگ دروس بکەێد، تا ئەوروپا وەپی بگەردێد.
کار دروسکردن فڕۆکەگەی ئەشوک، ١٥٠٠ ساعەت وەپی چگ، و نزیکەی ١٤٠ هەزار یۆرۆ لەبانی خەرج کرد، وەگورەی رووژنامەی "ئیندیان ئێکسپرێس".
ئەشوک و ئەبهیلاشا دوبی ژنی دەسکردنە هەڵگردن پویل لە یەکەم کەرەنتین کۆڕۆنا، تا ئەو فڕۆکە تەواو بکەن ک شویەگەی لەناو کەلاوەی بویچگیگ لە پشت ماڵەگەی کەووڵەگەی دروس کردیە.
رووژنامەوانی "ئیدیان ئێکسپرێس" لە زوان ئەشوک ک لووڵەت فڕۆکەوانی دیرێد وت: کارەگە جویر ئەوەسە ک وەیلکان نوویگ بکەفێدە دەسد، وەلێ خوەشیەگەی فرەترە.
جی باسە ک خیزانەگەی ئەشوک یەکەم جار توەنست وە فڕۆکەگەی بچوودە نێکۆکوزی لە ئینگلتەرا، لە سەرەتای ئی ساڵە، و دویای ئەوە گەردیە چەن شوینیگ لە ئەوروپا.
