دۊتیگ بوودە بۊیچگترین خانم ک وە تەنیا لە دەور جەهان فرێد

دۊتیگ بوودە بۊیچگترین خانم ک وە تەنیا لە دەور جەهان فرێد
2021-12-14T13:16:04+00:00

شەفەق نیوز/ دۊتیگ وە ناو زارا رزەرفۆرد دەسکردیە وە گەشتیگ  وە دەور جەهان وە فڕۆکە تایبەتەگەی خوەی، وەی کاریە بۊیە بۊیچگترین خانم  وە فڕۆکە وە تەنیا گەشت وە گشت جەها بکەێد.    

لە هەواڵیگ ماڵپەڕ "روسیا تودەی" باس لەوە کردیە، زارا دۊیت بەریتانی بەلجیکییگە و  ١٩ ساڵە و گەشتەگەی لە مانگ ئاب لە فڕۆکەخانەی کۆرتریک فیفلیخم لە خوەرئاوای بەلجیکا دەس وە پیکردیە.    

پلان دیرێد مەودای ٥١ هەزار کیلۆمەتر بووڕێد و بچوودە پەنج کیشوەر و ٥٢ وڵات، ک لە ناویان ویلایەتە یەکگرتگەیل و گرینلاند و روسیا و کۆڵۆمبیای هەس.    

فڕۆکەگەی لە جۊر شارکە و کێشی کەمە، وە خێراترین گلایدەر دانرێد لە جەهان زارا دۊیای رەسینی وە ئالاسکا ئەرا ماوەی یەک مانگ گەشتەگەی دۈیاکەفت، لەوەر کەشوهەوا و ڤیزەی چگنە ناو، وە هەمان هووکار مانگیگ لە روسیایش دۊیاکەفت.    

زارا ئۊشێد، ئومید خوازیم گەشتەگەم لە سەر ساڵ تەواوبوود، باوجی دیار نییە بتوەنێم تەواوی بکەم، لەوەر ئەوە  تۊیەنێد لە کانوون دۊیەم گەشتەگەی تەواوبکەێد. 

Shafaq Live
Shafaq Live