فڕۆکەیگ ئیرانی لەناو جادە نیشێدەو

شەفەق نیوز/ فڕۆکەیگ مەدەنی لە ئیران، ناچار بۊێ لەناو یەکیگ لە جادەیل پارێزگای ئەسفەهان بنیشێدەو، ئەوەیش لەوەر پەککەفتنیگ لە فڕۆکەگە.    

ئاژانس خەوەری فەرمی ئیران  "ئیرنا" لە زوان وەرپرسیگ لە دەزگای فڕۆکەوان مەدەنی وت: فڕۆکەگە سەروە کۆمپانیای کاسپین  بۊی، ک لە شار مەشهەد وەرەو ئەسفەهان باڵەو گرد.       

وەلێ لەوەر پەککەفتنی، فڕۆکەگە ناچار بۊی لە دەیشت فڕۆکەخانەی ئەسفەهان داوەزێد، و سوارەیلی ک شمارەیان رەسیە ١١٩ کەس وە پاچینەی پلاستیکی هاتنە خوار. 

یە یەکەم جار نییە فڕۆکەیگ ئیرانی لەناو جادە بنیشێدەو،  ک لە سەرەتای ساڵ ٢٠٢٠ کاریگ وەیجۊرە بۊیە، چۊنکە فڕۆکەیل ئیران کۆنە بۊینە و کەرەستە نەیرن.