کوشیان و زەخمداری چوار کەس وە کەفتن فڕۆکەیگ لە ئیران
2022-02-03T16:19:20+00:00
شەفەق نیوز/ سەرچەوەیلیگ رووژنامەوانی ئیرانی، ئمڕوو پەنجشەممە، خەوەردان لە کوشیان دوو کەس و زەخمداری دووان تر، وە کەفتن فڕۆکەی سووکیگ لە باکوور خوەرئەڵات ئیران.
سایت کەناڵ خەبەر ئیرانی وت: فڕۆکەی راهینان سووکیگ نزیک فڕۆکەخانەی لە ناوچەی کاشمەر، کەفتە خوار و بۊیە هووکار کوشیان دوو کەس، و زەخمداری دووان تر.
وەڕیەوبەر ریخریاگ وەڕیەوبردن قەیران لە پارێزگای خوراسان رەزەوی موحسن وت: رووداوەگە وەدۊری ٥ کیلومەتر ناوبەین کاشمەر و شار مەشهەد بۊی.
