قسەکەر وەناو کازمی ئاگاداری کەێد لە بەرزەوبۊن دەنگ فڕۆکەیلە لە ئاسمان عراق

شەفەق نیوز/ قسەکەر وەناو موستەفا کازمی فەرماندەی گشتی هێزە چەکدارەیلە،  ئمڕوو شەممە،  ئاگاداری دادە هاووڵاتییەل لە بەرزەوبۊن دەنگ فڕۆکەیلە لە ئاسمان عراق، ئەرا سوو یەکشەممە.

لیوا یەحیا رەسول، ئمڕوو  لە ئاگاداریگ رەسیە ئاژانس شەفەق نیوز وت: خوازینن ئەرا هاووڵاتییەلە ئاشکرا بکەیمن ک فڕۆکەیل هێز ئاسمانی،  ئەوەسا سوو یەکشەممە ١٠ی تەشرین یەکەم ٢٠٢١، لە ئاسمان بڕێ لە پارێزگایلە وە بەرزی گونجیاییگ باڵ گرن، ک دەنگ ئەو فڕۆکەیلە رەسێدە گووش. 

رەسول دووپات کرد ک ئی دەرچگنەیل ئاسمانیە وەخاتر رەوانگە مقیەتیکردن هەڵبژاردن و دەنگدان گشتیە.