لە هەردوگ بیاوان عراقی و سوورییەو هاتنە.. لافاوەیل ماڵەیل بەن و بوونە هووکار گومبۊن کەسیگ لە دێرەزوور
شەفەق نیوز - دیمەشق
لافاوەیل کە دانە ناو ناوچەیل سنووری لە دەیشتایی دێرەزوور خوەرهەڵات، رووژ شەممە، بۊنە هووکار زیانەیلیگ کە رەسیە نزیکەی 50 ماڵ لە ناوەین زیان بەشەکی و گشتی، لە وەختیگ پرۆسەیل مینەکردن کەسیگ کە ئاوەگە بردیەسەی وەردەوامە، هاووەخت وەرد جۊلەیل ئەرا تیمەیل رزگارکردن ئەرا رەسین وە ناوچە زیانلیکەفتگەیل و گیرخواردگەیل.
فەرماندەی ئۆپەراسیۆنەیل وەزارەت فریاگوزاری و وەڕێوەبردن کارەساتەیل لە وەڕێوەبەرایەتی فریاگوزاری لە دێرەزوور، ئوسامە عەرەبو، ئەرا ئاژانس شەفەق نیوز وت، کە زیانە سەرەتاییەیل لە ئاوایی هێریفی سنووری وەرد عراق مەزەنە کرد وە نزیکەی 50 ماڵ، کە وەرکەفتەی زیانەیل جیاجیایگ بۊنە لە ناوەین بەشەکی و گشتی، وە هووکار ئەو لافاوەیلە کە ئاواییەگە نوقم کردنە، وە دووپاتکردن لەبان توومارنەکردن قوربانییەیل گیانی تا ئیسە.
دیاری کردەو کە لافاوەیل لە قۊلایی بیاوان سووری و بیاوان عراقییەو هاتنە، لە دوو ناوچەی جوگرافی وەیەکەوبەس وە دەسنشانکردن ئەرا ئەوە کە زەۊە عراقییەیل لەڕۊ جوگرافییەو بەرزترن لە زەۊە سوورییەیل، کە بۊە هووکار تافاو ئاوەیل لەڕی چەن دووڵیگ وەرەو دووڵ عەلی کە رشێدە ناو چەم فورات.
لەباوەت ئامادەکارییەیلەو، عەرەبو دیاری کرد کە وەزارەتەگە وەدۊاچگن رەوش کەشوهەوا کردیاد، و هوشدارییەیل لە رووژ پەنجشەممەو دەرکرد، لەوەر خوەیئامادەکردن ئەرا وارین وارانەیل بەڵاچەدار فرەیگ لە ناوچەگە، وە ئاماژەداین وە ئەوە کە پیشبینیکردن ورد ئەرا ئەو ناوچەیلە کە واران وەخوەیان دۊنن وە کاریگ سەخت مینێد.
دیاری کرد کە هەماهەنگی وەرد لایەن عراقی لە وەخت هەوەجە و لەبان ئاستەیل باڵا وەڕیەو چوود، وە دووپاتکردن لەبان ئەوە کە مامەڵەکردن وەرد کارەساتە سروشتییەیل تەنیا لەبان سنوورە جوگرافییەیل نییەوسیەێد، بەڵکم وەپەی خوازینەیل وەڕێوەبردن قەیرانەگە جیوەجی بوود.
لەبان ئاست وەڵامدان مەیدانی، عەرەبو دەسنشان ئەرا ئەوە کرد کە تیمەیل رزگارکردن لە ناوچەگە هەن، کە ئیسە لە دەورگرد پیەڵ سویعییە کار کەن ئەرا رەفتارکردن وەرد هەر رەوشیگ لەناکاو، وە دیاریکردن ئەوە کە تیمەیل دەس کردنەسە کارەیل خاسەوکردن و دووارە ئامادەکردن پیەڵەگە وە شیوەیگ فریاگوزاری، لەڕی دانان لویلەیل گەورە و رێڕەوەیل ئاوی و پڕکردنیان وە خاک و پاشماوەیل، وە ئامانج دووارە گلەوداین جۊلە لەبانی وەشیوەیگ وەختانە.
ئاشکرا کرد کە پرۆسەیل مینەکردن وەردەوامە ئەرا ئەو کەسە کە لافاوەیل بردنەسەی لە وەخت تەقەلای ئەرا رەدبۊن لە ئاوەیل، لەبان ئەو هوشدارییەیلە کە لایەنە پسپۆڕەیلە دەرکردنە، وە دیاریکردن ئەوە کە تیمەیل رزگارکردن وەردەوامن لە ئۆپەراسیۆنەیلیان ئەرا پەیاکردنی.
ئاماژە دا وە ئەوە کە بەلەمەیل رزگارکردن رویکردنەسە ناوچە گیرخواردگەیل و زیانلیکەفتگەیل لە ئاوایی هێری، ئەرا ئاگاداربۊن لە رەوشەیل و مەزەنەی هەوەجەیل، وەرد جیوەجیکردن پرۆسەیل مینەکردن وە وەکارهاوردن فڕۆکە بیفڕۆکەوانەیل، وە هەماهەنگی وەرد هەردوگ وەزارەت وەرگری و ناوخۆی سووری.
عەرەبو دیاری کرد کە پیەڵ سویعییە کە ئیسە باس لە زەرەرمەنیی کریەێد پردیگ کۊنەس کە لە ساڵ 2015 ویران بۊە وە مدوو پەلامار و ئەو جەنگەیلە کە ناوچەگە لەو وەختە وەخوەی دیەسەی، و پیەڵیگ نییە کە نوو دروس کریاگە.
دیاری کرد کە دەوڵەت سوورییە، دۊای رزگارکردن شارەگە، دەس کردیە وە کارکردن لەبان دروسکردن پیەڵیگ کۆنکریتی جیگر نوو لەبان رێڕەو دووڵەگە، وەلێ کارەیل بیناسازی هێمان وەردەوامە.
دریژە دا وە قسەیلی کە لایەنە پەیوەندیدارەیل کار کەن ئەرا دابینکردن چارەسەرەیل فریاگوزاری وەختانە ئەرا ئاسانکردن رەدبۊن خەڵکەگە، لەڕی دانان رێڕەوەیل کۆنکریتی گەورە لەبان رێڕەو دووڵەگە، و پڕکردنیان وە خاک و جیماگەی پاشماوەیل ئەرا دروسکردن رێڕەویگ وەختانە کە ری وە رەدبۊن دانیشتگەیل دەێد، وە تایبەت لە مەوقەی تافاو ئاوەیل واران و لافاوەیل.
عەرەبو دەسنشان ئەرا ئەوە کرد کە ئی رێڕەوەیلە نۊنەرایەتی چارەسەریگ وەختانە کەن تا وەخت تەواوکردن بینای پیەڵە نووەگە، وە دووپاتکردن لەبان ئەوە کە ئامانج لەلیان زامنکردن وەردەوامبۊن جۊلەی رەدبۊن و کەمەوکردن ناڵین خەڵکەگەس لە ماوەی جیوەجیکردن پرۆژەگە.
