کوشیان سێ کەس وە رویداو هاتوچو دڵتەزنیگ لە دهۆک ژنیگیگش هاناویان

شەفەق نیوز/ وەڕێەوبەرایەتی هاتوچو دهۆک، ئمڕوو پەنجشەممە، خەوەردا لە کوشیان سێ کەس ژنیگیش هاناویان، لە ئەنجام رویداو هاتوچو دڵتەزنیگ لەبان یەکیگ لە ریەیل پارێزگاگە.

عەقید ئازاد تەها وەرپرس راگەیانن فەرمانگەی هاتوچو دهۆک ئەرا ئاژانس شەفەق نیوز وت: رویداو هاتوچو دڵتەزنیگ، کەفتە ناوبەین دوو ماشین لەبان ری ناوبەین دهۆک و قەزای شێخان، ک بویە هووکار کوشیان سێ کەس ژنیگیگش هاناویان، و زەخمداری کەسیگ چوارەم.

وتیش: ماشینییل فریاکەفتن زەخمدارەگە رەساننە خەسەخانە، و تەرم قوربانیەیل ئەرا پزشک دادوەری دهۆک بردن، و لێکۆڵینەوە لە رویداوەگە واز کریا.